Astudiaethau Addysg: Anghenion Dysgu Ychwanegol a Chynhwysiant - BA (Hons)

University of Wales Trinity Saint David

Mae ein rhaglen BA (Anrh) mewn Astudiaethau Addysg gyda ffocws ar Anghenion Dysgu Ychwanegol ac ymarfer cynhwysol yn archwilio pynciau allweddol sy’n bwysig i unrhyw un sydd am wneud gwahaniaeth ym myd addysg.Byddwch yn dysgu am y gwahanol fathau o anghenion a allai fod gan fyfyrwyr a sut i’w cefnogi’n effeithiol. Bydd hyn yn rhoi dealltwriaeth feirniadol i chi o sut i greu amgylcheddau dysgu lle gall pawb ffynnu.Rydym yn credu mewn dysgu trwy wneud. Byddwch yn cael cyfle i weithio mewn lleoliadau addysgol go iawn, gan eich helpu i ddod yn weithiwr proffesiynol myfyriol. Byddwch yn gweld yn uniongyrchol sut mae’r damcaniaethau rydych chi’n eu dysgu yn y dosbarth yn cael eu rhoi ar waith mewn bywyd go iawn. Mae’r profiad hwn yn amhrisiadwy iar gyfer eich gyrfa mewn addysg yn y dyfodol.Mae ein rhaglen yn cynnwys ystod eang o bynciau i roi persbectif eang i chi ar addysg. Byddwch yn astudio polisi cymdeithasol er mwyn deall sut mae penderfyniadau’r llywodraeth yn effeithio ar addysg. Bydd astudiaethau anabledd yn eich helpu i ddysgu am yr heriau sy’n cael eu hwynebu gan bobl ag anableddau a sut i’w cefnogi. Byddwch hefyd yn ymchwilio i ddatblygiad plant i ddeall sut mae plant yn tyfu ac yn dysgu ar wahanol adegau o’u bywydau.Mae ffocws arbennig y cwrs ar ymarfer cynhwysol. Byddwch yn dysgu sut i sicrhau bod pob myfyriwr, waeth beth fo’i gefndir neu allu, yn cael cyfle i lwyddo. Mae hwn yn sgìl hanfodol i unrhyw un sydd am weithio ym myd addysg heddiw.Erbyn diwedd y cwrs hwn, bydd gennych y wybodaeth a’r sgiliau i ddilyn gyrfaoedd amrywiol ym myd addysg. P’un ai eich bod am fod yn athro, gweithio mewn polisi addysgol, neu gefnogi myfyrwyr ag anghenion dysgu ychwanegol, bydd y rhaglen hon yn eich paratoi ar gyfer gyrfa werth chweil. Byddwch yn gadael y cwrs fel ymarferydd myfyriol cyflawn, yn barod i gael effaith gadarnhaol ar y system addysg.

Childhood, Youth and Education Studies