Addysg Gynradd gyda SAC - BA Edu (Hons)

University of Wales Trinity Saint David

Ydych chi’n angerddol am ysbrydoli meddyliau ifanc a llunio’r dyfodol? Mae ein cwrs Addysg Gynradd gyda Statws Athro Cymwysedig (SAC) yn rhoi’r wybodaeth, y sgiliau a’r gwerthoedd sydd eu hangen arnoch i fod yn athro llwyddiannus a phroffesiynol. Mae’r rhaglen wedi’i chynllunio ar gyfer y rheiny sy’n barod i wneud gwahaniaeth yng Nghymru a thu hwnt. Mae ein cwrs yn darparu dealltwriaeth gynhwysfawr o’r Cwricwlwm Cenedlaethol ac yn ymdrin â chyfnodau allweddol un a dau. Byddwch yn ymgymryd â Hyfforddiant Cychwynnol Athrawon (HCA) sy’n cwrdd â gofynion diweddaraf cwricwlwm yr Adran Addysg, gan sicrhau eich bod yn gwbl barod ar gyfer gofynion y proffesiwn addysgu. Byddwch yn datblygu priodoleddau proffesiynol sy’n hanfodol ar gyfer gyrfa addysgu lwyddiannus. Mae’r rhaglen yn cynnwys cymysgedd o brofiadau dysgu damcaniaethol ac ymarferol. Byddwch yn archwilio materion proffesiynol craidd megis, asesu, rheoli ymddygiad, cynllunio gwersi a mynd i’r afael ag anghenion addysg arbennig. Mae’r cwrs wedi’i strwythuro o gwmpas damcaniaethau ac ymchwil sy’n sail i ddatblygiad plant, lles a dysgu o 0-19 oed a sut mae’r rhain yn ymwneud â rôl athro proffesiynol. Byddwch yn elwa o baratoadau academaidd a phroffesiynol integredig. Mae ein hymagwedd yn cynnwys dulliau addysgol arloesol a lleoliadau ysgol bob blwyddyn, gan ganiatáu i chi gael profiad ymarferol mewn ystafelloedd dosbarth go iawn. Erbyn eich blwyddyn olaf, byddwch yn barod i ymgymryd â chyfrifoldebau addysgu sylweddol, gan eich paratoi i ddod yn athro hyderus sy’n gallu ymdopi â heriau amrywiol yn yr ystafell ddosbarth. Mae ein cwrs yn pwysleisio ymarfer myfyriol, gan eich annog i asesu a gwella eich dulliau addysgu yn barhaus. Byddwch yn derbyn cymorth personol gan ddarlithwyr a staff academaidd, gan eich helpu i osod a chyflawni nodau heriol. Mae’r rhwydwaith gymorth hon yn hanfodol i ddatblygu eich gwytnwch, eich meddwl beirniadol a’ch creadigrwydd. Bydd graddedigion y cwrs hwn yn gadael gyda’r wybodaeth, y sgiliau a’r gwarediad sydd eu hangen i gyflawni Statws Athro Cymwysedig (SAC). Byddwch yn barod i ddechrau eich gyrfa addysgu, gyda’r wybodaeth a’r sgiliau hanfodol y mae ysgolion yn gofyn amdanynt. P’un a ydych yn dewis gweithio yng Nghymru neu archwilio cyfleoedd y tu hwnt, byddwch yn barod i wneud gwahaniaeth cadarnhaol i fywydau pobl ifanc.

Teacher Education